mercredi 17 novembre 2010
كان إطلعها معلم : لغز الــ100 سجين
عطاهم فرصة باش يمنعوا ، كيفاش ؟
يخليهم الكل في صف واحد ، و يحط فوق راس كل واحد قبعة : يإما بيضاء و إلا سوداء ، و يبدؤ بالأول (إلي يشوف في 99 شخص قدامو) يسأله شنو لون القبعة ؟ كان جاوب صحيح يمنع ، و كان جاوب غالط يقتلوا عل البلاصة ، و يتعدا للي بعدو ...
المساجين وقت سمعو بالحكاية و هوما في الزنزانة ، قعدو يفكروا في حل باش يمنعوا أكثر عدد ممكن ، فما واحد قال : الأول يقول لون الي قداموا باش يمنعو ، و الثالث يقول لون الي قداموا و هكذا ... و هكا نمنعو 50 شخص بالتأكيد و البقية هوما و زهرهم.
جاهم واحد مهف ، قلهم عندي طريقة نمنعوا بها 99 شخص بالتأكيد ، و الباقي هوا و زهرو.
شنوا الحل الي يمنع 99 شخص ؟
مع العلم : المساجين الكل ممتازين في الرياضيات و الحساب الذهني
ممنوع على المسجون باش يعطي أقل معلومة بأي صفة ، يقول أبيض او أسود مكانشي يموت
جميع الفرضيات ممكنة في عدد القبعات البيض و السود
كل شخص يشوف الناس الكل الي قدامو ، ما يشوفش روحو و ما يشوفش الي وراه
الحل موجود و منطقي جدا ، يلزم شويا مجهود ذهني.
أنا شخصيا طلعتها بعد 3 أسابيع
1 Response to "كان إطلعها معلم : لغز الــ100 سجين"
الأخير في الصف يقوم بجمع عدد القبعات البيضاء التي أمامه
إذا كان العدد فردي يقول أسود, و إذا كان زوجي يقول أبيض, و مصيره هو و زهرو
الثاني يحسب عدد القبعات البيضاء التي أمامه, إذا تغير العدد و أصبح فردي بعد أن كان زوجي أو العكس (زوجي بعد أن كان فردي) فقبعته بيضاء, و إن لم يتغير فقبعته سوداء
إذا أجاب الثاني أبيض, يعلم الثالث أن العدد تغير مرة أخرى من فردي الى زوجي أو العكس, و يقوم بعد القبعات أمامه و استنتاج لون قبعته.
و يتواصل العمل بهذا المنوال
Leave A Reply